鎧嶢BB, 對著您, 就算捱著眼訓, 半夜只要聽到你喊聲, 十萬個不情願都會開支奶奶給你, 看到你吃飽奶奶滿足樣, 辛苦也值得. 

招牌 O 嘴, 一見你爸B就驚驚, 因為代表你快要 "唔唔", 爸B說你D "唔唔" 好臭,一定逃離出廳. 

呻舌仔,爸B好教唔教, 教你玩舌仔, 激C.

你最開心最精神是中午沖完涼,只要我拿著相機, 你就會表情多多, 交足功課.

影得太多,你就會有不耐煩時候, 意思是叫媽咪影快D, 同快D收機.

訓飽飽,總有食奶既時候,你是超準時鬧鐘,夠鐘食奶奶就會喊, 不留面子.

已經1個月4日喇, 揍BB已經掌握到9成,因為半夜扭計唔訓, 本來不想這麼快給她奶咀,但因為爸B要返晨早,唔夠訓, 揸車會好危險, 所以都要給她試試, 等爸B訓夠有精神, 嘩...奶咀既魔力真係大, 一啜就收聲.

而我自己最唔開心就係個傷口埋得唔好,初頭仲以為爆左線,因為有痛, 跟在醫院時認識D媽咪傾過,大家都有傷口埋唔好問題, 所以上星期一去左醫院再檢查,安心的是醫生說我沒有爆線,幫我搽左D藥水, 叫我下星期一再覆診, 不過D藥水"拿"到我C, 到依家個傷口都未能完全好番,如果再唔好, 真係要去私家再睇睇至得.

鎧嶢BB有好多大人鍚鍚,收到好多既禮物,有金(麻麻爺爺, 婆婆公公)又有玉(婆婆公公,姨媽), 有利是又有禮卷(肥妹仔&烏姨姨), 有尿片(舊同學仔)(堂家姐)又有奶粉(堂大佬)(麻麻朋友),有衫仔(豬小妹姨姨)(SAYA姨姨)(ELAINE姨姨)又有褲仔, 有車仔(姑姐)又有揹帶仔(舊同學仔),有被仔(姨婆,表姐)又有餐椅仔 (朋友仔), 太多不能盡錄, 多謝曬各位.