ｄ時間好似過得特別快，話咁快鎧嶢寶寶已經三個月喇，暫時強項就係笑笑笑，只是眼神對望已經笑起來，所以每天放工最希望第一時間去奶奶屋睇嶢嶢，見到她笑，就算咩唔開心擔心都暫時忘卻．

上兩次接嶢嶢回家，第一餐都喊一陣先，可能開始認人，所以都安撫一陣先肯食奶，沒辦法啦，媽咪爸ｂ要搵食，去爺爺麻麻到可以廿四小時陪住，由最初不捨得到現在開始放心交給他們，有佢地同你傾下計，因為你個口水妹，有人同你傾ｂｂ話唱下歌你就最開心．

托了Ｓａｙａ姨姨從韓國來的帽，好得意，肥姨姨話你似買花姑娘，我諗如果幫你著埋條裙仔仲似，爺爺話你似紅衛兵，戴左帽仔起碼似番個女仔，因為你頭髮少所以個個都話你似男仔，Ｓａｙａ除左幫我訂帽仔之外，仲比左好多衫仔同帽仔嶢嶢，真係多謝曬．

食奶方便，依家可以食到 160ml, 3-3.5 hours 食一次，不用食夜奶，令我舒服很多, 而便便依家就一日一次，所以一次份量十足，便便依家大部份是墨綠色，人地話ｂｂ嚇親就會痾ｄ咁既顏色，不過唔知有冇根據 ? ｄ奶粉加得真厲害，加成一成，嶢嶢真係唔好浪費ｄ奶奶喇．人工要減，奶粉勁加，點攪 ?

呢排其實我兩公婆都好唔開心，因為屋企隻小狗肥ｂ，係上個月25號出左事，事源個日放了假，因為那天要去產後檢查，那天早上起床見到房的地磚滿是血，而當時三隻狗仔只有狄狄在房不停在床邊跳，當時不知道是叮叮出左事，定肥ｂ，真係嚇ｃ我，我即刻叫佢地兩隻小狗名，只見肥ｂ血淋淋爬番入房，相當可憐，心諗仲唔見叮叮既，唔通已經係廳........... ?????? 當時好驚，真係唔想出廳睇，但沒辦法，得自已一個係屋企，老公返左工，都要去面對，正想出房見叮叮從ｂｂ床底爬出黎，原來叮叮驚得濟，躲藏左係床底，見叮叮狄狄身上一滴血也沒有，出到廳既景象也嚇呆一會，也全都是血，相信是狄狄踩中肥ｂｄ血，印到全屋都係，當時我第一時間唔係打比老公，怕老公擔心得濟，揸車會危險，所以打比奶奶點算，因為我嚇到六神無主，奶奶即刻叫我call 的去睇獸醫，好在老爺即刻過黎陪我一齊去，去到獸醫處，醫生搶救過後說牠因為抽筋而咬到條舌，等老公放左工至敢同佢講肥ｂ既事，他愛狗如命，個幾日佢都訓得唔好，食又沒胃口，唉....我仲要擔心埋佢，怕他累壞，因獸醫那裡住了幾日才好轉過來接牠回來，心想可以放放鬆一下，但前幾日比我地見到佢又抽筋，要即刻同佢按摩才保得住牠命，於是再去帶佢去好多人都話好既太平道診所，雖然貴又遠，但對於養狗人才會明白，牠是你家庭成員之一，有能力一定盡量救牠，怎會捨得牠離開你 ? 但做了 MRI 之後，得出來既報告，同見到佢抽筋時辛苦樣，令我們很失望，怕我們上班牠又突然抽筋，沒人可幫到牠按摩，突然離開我們，希望新既藥可控制到不抽筋，但如果太痛苦的話，我們真的不想不想選擇那條路給牠走，希望肥ｂ要加油．