一直都有留意要幫鎧嶢寶寶打 "肺炎鏈球菌疫苗", 因為呢個烏sir sir 媽咪, 攪到咁遲先幫bb打第一針, 好在姑仔幫我問佢做開既診所醫生, 醫生話也可以分別在bb的3, 6, 9, 12 月打, 所以姑仔一早幫我訂定左針, 一到貨就即刻約好醫生帶鎧嶢寶寶去打, 雖然話政府遲d有得免費打, 但太擔心, 所以唔等喇.

因為我要返工, 奶奶都費時等我喇, 佢同老爺星期5傍晚帶鎧嶢寶寶去打, 嘩.......個晚新界又大風又凍又有霧霧雨, 仲要由屯門去到銅鑼灣, 攪到我同老公不知幾擔心 >.<, 哈哈....唔知係咪老爺奶奶怕冷親鎧嶢寶寶, 幫鎧嶢寶寶著左好多衫,又被仔, 鎧嶢寶寶一上車已經好抆, 周身郁, 要幫佢除少d先開心, 因為佢同爸b一樣好怕熱, 奶奶話鎧嶢寶寶係車到訓醒就喊, 因為佢唔鍾意訓係度, 要抱住佢坐係度四圍望至得, 呢個八掛妹丫.

去到診所, 鎧嶢寶寶好合作, 冇扭計, 只係打時喊左一聲咁大把, 可能私家同健康院既分別, 私家有兩個護士加醫生服侍, 打既手勢唔同, dd血都冇流, 而健康院打針時只得一個護士, 上次打奶奶話打到鎧嶢寶寶流血, 心痛c  >.< 

打完針, 我冇接鎧嶢寶寶返屋企, 因為怕呢兩日太凍, 加上打完針要多d留意怕鎧嶢寶寶會否發燒, 而且自己屋企仲有一隻病狗要照顧, 怕我自己都分身不下, 鎧嶢寶寶都係留係奶奶度, 佢地可以廿四小時睇住鎧嶢寶寶好d, , 所以都係等老公放工一齊上去同鎧嶢寶寶玩一陣.

鎧嶢寶寶依家有興趣自己揸住d玩具黎玩, 特別係有聲既公仔, 呢個公仔好得意架, 整到佢隻翼會有bb笑聲, 鎧嶢寶寶好鍾意架, 不過要睇實佢玩, 因為依家鎧嶢寶寶仲未控制到, 會扑親自己個頭, 下次買d布既質地會安全d.

因為鎧嶢寶寶依家三個幾月, 已經唔係一舊飯喇, 唔再鍾意我地將佢橫抱, 要直抱至得, 所以尋日我地將條揹帶拆左個橫抱既墊, 改為直抱, 跟住比我地既小 model 試下, 哈哈.....你睇佢被爸b揹住幾開心, 唔知鎧嶢寶寶係咪以為有得出街, 我地一玩完放番底佢, 佢即刻係度喊喎, 被佢激c.

********************************************** 

而小狗肥b既情況比上星期好得多, 因為日日都有比藥佢食, d藥可以控制到佢唔病發, 但食到肥b冇乜力, 冇方向感, 同埋依家好似變左隻餓狗咁, 成日都想問攞食, 仲之前肥b未出事前唔會亂大小便便既, 依家好似扮傻, 突然會一兩就地便便, 但佢都有係自己個寵解決到架, 唉....你病, ok.....暫時放過你一馬.

聽日再帶佢覆診, 看看有什麼進展, 希望乖乖地, 因為今時今日既經濟, 我地已經負擔唔起再做 MRI, 或手術, 唯有食藥黎控制.