本想貼完圖之後補文, 說說肥b近況, 但肥B因為又再抽筋, 已經離開左我地喇, 所以一直都沒有寫 blog.

其實係我地帶佢走既, 之後真係覺得好後悔好後悔, 點解唔陪到佢最後, 唔知道這次我們做得岩或是錯 ? 明明肥B已經食藥控制到差不多50天未抽過筋, 只是見佢身體情況好像一天比一天差, 每次一緊張就會發燒, 耳朵好紅, 四圍亂撞, 我地也承諾只要她吃不到,看不見東西才給她走, 但好景不常, 從奶奶家看過寶寶回家, 肥b第一時間都係好緊張, 又發燒起來, 跟手兩公婆親眼又見過她抽筋, 這次比嚴重, 兩公婆雖然很驚, 手忙腳亂, 都合力幫她塞防抽筋藥, 幫她按摩, 在情急之下, 老公怕肥b咬到自已條舌, 用自己隻手指整住佢條舌, 唉......老公忍住痛都比肥b咬住隻手指, 事後手指都流血, 雖然止到肥b唔再抽筋, 但她已經很弱, 係當時既情況, 真的不忍見到她再受折磨, 加上知道這個腦炎沒得醫, 決定送她走了.

在老婆的角度來看, 除了見到肥b身體差之外, 而老公既身體也是一樣一天比一天差, 看到真的很心痛, 老公實在太愛小狗們了, 肥b這次走了後對他身心都很疲累, 他每天的在自責,  見到他這樣我也很難受, 要安慰的也安慰了, 也不知道再該說些什麼好, 因為肥b是收養回來, 但她是三隻狗仔之中最乖最聽話, 所以真的不捨得, 雖然說時間可以沖淡, 但肥b永遠在我們心中.