話咁快鎧嶢寶寶又半歲咯, 時間真係過得快, 由一舊飯, 竟然變左一件又會笑又會喊既百厭星, 雖然百厭成日食手仔, 成日反身, 無時停, 但佢一笑就好逗得人歡喜架, 所以一放工就要走第一時間想見到鎧嶢寶寶, 正一衰豬仔 ~

個個都話鎧嶢寶寶似男仔, 所以依家盡量同佢走"肉"女路線, 盡量幫佢著多D裙仔, 唯有戴多D帽仔囉, 就係因為鎧嶢寶寶肉地好, 之前D姨姨朋友仔比D靚裙仔都好多緊緊地, 好在貨源不絕, 仲有婆婆姨姨得閒就買一件.

可能我少帶鎧嶢寶寶出街, 成日做鄉下妹, 一見到少見既人就喊, 連成日買玩具比佢既兩個姨姨, 佢見到佢地兩個就即刻喊, 咁快就認人, 點算丫 >.<

哈哈...個蛋糕話就係同鎧嶢寶寶慶祝半歲生日, 但佢只係可以做布景, 影完相個蛋糕已經落在大人口中, 唯有等一歲媽咪親手整個蛋糕啦, 麵包超人蛋糕, 唔知我整唔整到呢 ? 哈哈...

希望鎧嶢寶寶更加要逗人歡喜啦, 唔好見到姨姨地就喊, 唔係佢地心都傷埋, 冇玩具玩架喇, 要健健康康, 唔好要我擔心呀.