哈哈......依家忙到一個月先打一次網誌, 我都覺得自己有d過份, 鎧嶢寶寶話咁快又 7 個月咯, 佢依家最叻叻就係由4個幾月開始已經唔會痾 "唔唔" 係條片到,  咁樣就乾淨得多, 真係全靠奶奶帶佢去馬桶痾.

6個月試比d糊仔阿b食, 不過佢唔太鍾意食, 而且食親都覺得阿b有啖, 所以冇再比佢食, 反而到6個半月到奶奶開始煲d粥仔阿b食, 有時蛋黃粥, 有時蛋黃南瓜粥, 我都專登去左買個 panasonic 最小型個隻1-3人可以煲又粥飯煲折左$398, 因為我唔用飯粥來煲的話, 老公會成日話我煲燶粥, 唔安全.

呢隻好似旺旺既餅仔, 我覺得唔太好, 因為很難溶口.

見網上有媽咪比呢隻星星餅bb食, 我又買黎食下, 入口即溶, 可以放心比阿b食.

因為屋企未買高既餐椅, 所以阿b睇碟都係坐係bb車到, 仲成日玩奶咀, 係玩, 唔係食個隻, 你地睇下佢睇得幾爽.

因為阿b成日比人話似男仔, 所以出街我多數同佢著多d裙仔, 等佢似番個女仔..呵呵~

姑仔買左件泳衣比阿b, 我地即刻幫佢試...哈哈...個pose 幾似參加咁健美小姐.

覺唔覺阿b好似真係去左沙灘咁, 係度曬咁太陽 ???

初食糊仔, 必成花面猫

試新衫同帽仔, 你睇阿b幾開心.

上次買韓帽送既夾仔, 終於可以試下夾, 即刻似番個女仔

呢個百厭星, 係張床仔到反轉又玩轉, 你睇佢幾得戚.

7.1 約左好朋友個 3 月大 judah bb 去影相, 個日真係好熱呀

新買既餐椅, 因為屋企有狗仔, 唔可以坐地, 所以要拎去奶奶到用.

又有新鞋仔著, 係小董媽咪送既, 真係好靚

鎧嶢寶寶最鍾意就係沖涼涼喇, 你睇下佢幾開心同冧就知啦~

by DC FX-38

*******************************************************

by DSLR sony@350

*******************************************************