哈哈.....又係每月一 blog 時間, 鎧嶢寶寶已經 8 個月咯 ~

Katie 姐姐生日, 寶寶當然要第一時間報名啦, 第一次參加生日 party 喎, 不過認人認得好緊要, 見到個個都喊, 激c

個衰豬依家超百厭, 咩都放落口食, 因為牙痕囉, 原來出左 2 隻牙仔.

去 judah 屋企聚一聚, 呢張椅 judah 唔岩坐, 準備拎返去換野, 我地當然唔放過, 試下坐啦, 寶寶坐左落去不知幾開心, 不過太貴唔買比寶寶喇.

最開心最冧就係寶寶成日笑, 同佢講少少野就會笑架喇, 不過只限屋企人囉..哈哈..

越大個樣越唔同, 係古靈精怪, 古古惑惑, 買左部學行車比佢, 依家成日揸住架私家車四圍摸索, 每件事對寶寶黎講都好新奇.

呢個寶寶, 第時一定係超級電視精, 最鍾意就係睇廣告同天氣報告.

同佢夾左隻夾仔, 即刻有少少似番個女仔..哈哈...

另外姑仔係台灣買左件小甲蟲衫比寶寶, 我地當然即刻試下啦, 嘩...真係笑c, 成隻肥甲蟲, 仲要學爬爬...

天氣太熱, 寶寶又怕熱, 所以最鍾意著吊帶衫, 夠舒服. 

因為出牙仔, 攪到有少少燒, 膽心c 媽咪, 好在好快冇事.

返到娘家, 佢最鍾意就係搵狄狄仔, 一見到佢勁興奮又大叫, 寶寶大d, 狄狄仔一定有難喇.

用光影魔術手整左d相, 整到佢有d影樓 feel, 就算影得差都唔係幾覺...哈哈...