依家鎧嶢寶寶9個月喇~

鎧嶢寶寶真係多人鍚, d姨姨同爺爺佢地又成日買玩具同衫衫比佢玩同著, 依家d小朋友真幸福.

9月個既寶寶開始識好多野, 我地做一次既野, 佢都會自己又試下, 你睇下佢幾辛苦都拉唔到個蝴蝶出黎.

爸b返左工, 我無聊得沒濟, 攞左條大紗巾同寶寶玩, 玩玩下又包住佢個頭做頭巾, 噢...原來又幾可愛架喎 ~ 

見寶竇包頭巾咁q, 咪去買左個頭夾有埋假頭髮比佢戴, 不過都唔似個女仔既 ?

百厭既鎧嶢寶寶, 最鐘意係笑, 總之我地笑, 佢就會唔知咩事都跟我地一齊笑.

係小董屋企玩完返麻麻到, 原來姑姐又買左野比寶寶, 不過呢次大整蠱, 買左個攪笑奶咀, 笑到我地丫, 不過呢個奶咀太貴喇, 要黎影下相玩下都得, 長期我就唔會比佢食架喇.

因太百厭, 係麻麻去幫佢換片時候, 由梳化跌左落地, 仲整瘀左塊面仔, 心痛c我地 >.<

係遊戲床可以近距離望住d小狗, 真開心~

依家學識企, 仲企住黎望添, 幾得戚~

爸b學揹寶寶, 又幾似模似樣喎！

 寶寶九個月，期間又發過燒，這次由大人傳染左寶寶，幸好奶奶冇被傳染，真係辛苦曬奶奶，睇完醫生食埋ｄ藥都仲因為有痰，所以試了余牌既猴棗化痰散，但好像一般，朋友說位牌個隻猴棗化痰散會好ｄ，所以再買黎試下，又真係好好多喎，寶寶病期間又唔太肯食奶同粥，玩都冇乜心機，真係日日返住工都好擔心，好在教識左老爺用ｆａｃｅｂｏｏｋ，可以日日上載ｄ相比我地兩公婆睇，所以日日都追看架，病既時候寶寶好痴人，係痴麻麻，唔係痴我，唉．．．

好在好快已經好番，又回復百厭本色，依家一日會食兩餐粥仔加三餐奶，每餐七安奶，而粥後都會補少少奶比寶寶．

寶寶最大進步係學識扶野企，扶梳化背，扶遊戲床，仲可以企好耐添，唔知下次係咪學識叫媽咪或爸ｂ呢　？